ਪ੍ਰਦੀਪ ਚਿੱਜੜ

ਆਕਲੈਂਡ:- 5 ਦਸੰਬਰ  2025

ਸੈਕੰਡਰੀ ਅਧਿਆਪਕਾਂ ਨੇ ਸਰਕਾਰ ਵੱਲੋਂ ਦਿੱਤੀ ਗਈ ਕਲੈਕਟਿਵ ਅਗ੍ਰੀਮੈਂਟ ਦੀ ਪੇਸ਼ਕਸ਼ ਨੂੰ ਮਨਜ਼ੂਰ ਕਰ ਲਿਆ ਹੈ। ਇਸ ਨਾਲ ਪੋਸਟ ਪ੍ਰਾਈਮਰੀ ਟੀਚਰਜ਼ ਅਸੋਸੀਏਸ਼ਨ ਅਤੇ ਸਰਕਾਰ ਦਰਮਿਆਨ ਚੱਲ ਰਹੀਆਂ ਗੱਲਬਾਤਾਂ ਦਾ ਅੰਤ ਹੋ ਗਿਆ ਹੈ। ਸਹਿਮਤੀ ਵਿੱਚ ਉੱਚੇ ਦੋ ਪੱਧਰਾਂ ‘ਤੇ ਮੌਜੂਦ ਅਧਿਆਪਕਾਂ ਲਈ ਜਨਵਰੀ 2027 ਤੱਕ 4.7% ਤਕਰੀਬਨ ਕੁੱਲ ਤਨਖਾਹ ਵਾਧੇ ਦੀ ਸਹਿਮਤੀ ਬਣੀ (ਪਹਿਲੇ ਸਾਲ 2.5% ਅਤੇ ਦੂਜੇ ਸਾਲ ਦੀ ਸ਼ੁਰੂਆਤ ਵਿੱਚ 2.2%)। ਉਹ ਅਧਿਆਪਕ ਜੋ ਆਪਣੀ ਮਿਹਨਤ ਨਾਲ ਅੱਗੇ ਵੱਧ ਰਹੇ ਹਨ  ਉਹਨਾਂ ਨੂੰ ਹਰ ਸਾਲ ਦੇ ਕਦਮ ਵਾਧੇ ਦੇ ਨਾਲ ਜਨਵਰੀ 2027 ਤੱਕ 4.6% ਤਨਖਾਹ ਵਾਧਾ ਮਿਲੇਗਾ।
ਇਸ ਸਹਿਮਤੀ ਦਾ ਮਤਲਬ ਹੈ ਕਿ 28 ਜਨਵਰੀ 2026 ਤੋਂ 80% ਪ੍ਰਸ਼ਿਕਸ਼ਿਤ ਸੈਕੰਡਰੀ ਅਧਿਆਪਕਾਂ ਦੀ ਬੇਸ ਤਨਖਾਹ $100,000 ਤੋਂ ਵੱਧ ਹੋਵੇਗੀ।
ਸਮਝੌਤੇ ਵਿੱਚ ਪ੍ਰਿੰਸਿਪਲ  ਦੇ ਅਹੁਦੇ  ਵਾਲੇ ਵਿਅਕਤੀ ਲਈ ਸਾਲਾਨਾ $2500 ਦਾ ਨਵਾਂ ਭੱਤਾ ਅਤੇ ਟਰਮ 2, 2026 ਤੋਂ ਇੱਕ ਘੰਟੇ ਦੀ ਛੁੱਟੀ ਦਾ ਸਮਾਂ ਵੀ ਸ਼ਾਮਲ ਹੈ।

ਯੂਨੀਅਨ ਨੇ ਕਿਹਾ ਕਿ ਉਹ ਪੇਸ਼ਾਵਰ ਸਿੱਖਿਆ ਅਤੇ ਵਿਕਾਸ ਲਈ $1 ਮਿਲੀਅਨ ਸਾਲਾਨਾ ਫੰਡ ਦਾ ਪ੍ਰਬੰਧ ਵੀ ਕਰੇਗੀ।  ਯੂਨੀਅਨ ਇਸ ਗੱਲ ‘ਤੇ “ਖੁਸ਼” ਹੈ ਕਿ ਸਰਕਾਰ ਨੇ ਉਹ ਮੰਗਾਂ ਵਾਪਸ ਲੈ ਲਈਆਂ ਹਨ ਜਿਹੜੀਆਂ  ਕੰਮਕਾਜੀ ਹਾਲਾਤਾਂ ਨੂੰ ਹੋਰ ਖਰਾਬ ਕਰ ਸਕਦੀਆਂ ਸਨ।