ਪ੍ਰਦੀਪ ਚਿੱਜੜ

ਆਕਲੈਂਡ:- 02 ਫਰਵਰੀ  2026

ਸਰਕਾਰ ਨੇ ਸਕੂਲ ਰਿਪੋਰਟਾਂ ਦਾ ਇੱਕ ਨਵਾਂ ਮਾਡਲ ਜਾਰੀ ਕੀਤਾ ਹੈ ਜਿਸਦਾ ਕਹਿਣਾ ਹੈ ਕਿ ਇਹ ਪਰਿਵਾਰਾਂ ਨੂੰ ਆਪਣੇ ਬੱਚਿਆਂ ਬਾਰੇ ਹੋਰ ਸਪਸ਼ਟ ਜਾਣਕਾਰੀ ਦੇਵੇਗਾ। ਸਰਕਾਰ ਨੇ ਕਿਹਾ ਕਿ ਇਹ ਰਿਪੋਰਟਾਂ ਇਹ ਯਕੀਨੀ ਬਣਾਉਣਗੀਆਂ ਕਿ ਸਾਰੇ ਪ੍ਰਾਈਮਰੀ ਅਤੇ ਇੰਟਰਮੀਡੀਏਟ ਸਕੂਲ ਸਾਲ ਵਿੱਚ ਦੋ ਵਾਰ ਬੱਚਿਆਂ ਦੀ ਪੜ੍ਹਨ, ਲਿਖਣ ਅਤੇ ਗਣਿਤ ਵਿਚ ਪ੍ਰਾਪਤੀ ਬਾਰੇ ਇੱਕੋ ਤਰੀਕੇ ਨਾਲ ਵੇਰਵਾ ਦੇਣ।
ਨਵੀਆਂ ਰਿਪੋਰਟਾਂ ਵਿੱਚ ਬੱਚਿਆਂ ਦੀ ਪ੍ਰਾਪਤੀ ਨੂੰ ਪੰਜ ਪੱਧਰਾਂ ’ਤੇ ਦਰਸਾਇਆ ਜਾਵੇਗਾ — ਉਭਰਦਾ ਹੋਇਆ (emerging), ਵਿਕਸਤ ਹੋ ਰਿਹਾ (developing), ਮਜ਼ਬੂਤ ਕਰਦਾ ਹੋਇਆ (consolidating), ਨਿਪੁੰਨ (proficient) ਅਤੇ ਉੱਤਮ (exceeding) — ਜੋ ਤਿੰਨਾਂ ਵਿਸ਼ਿਆਂ ਦੇ ਵੱਖ-ਵੱਖ ਖੇਤਰਾਂ ’ਚ ਲਾਗੂ ਹੋਵੇਗਾ।
ਇਨ੍ਹਾਂ ਰਿਪੋਰਟਾਂ ਵਿੱਚ ਹਰ ਵਿਸ਼ੇ ਲਈ ਕੁੱਲ ਪ੍ਰਤੀਸ਼ਤ ਅੰਕ ਵੀ ਹੋਣਗੇ ਅਤੇ ਇਸ ਗੱਲ ਦਾ ਵੇਰਵਾ ਵੀ ਹੋਵੇਗਾ ਕਿ ਬੱਚੇ ਕੀ ਕਰ ਸਕਦੇ ਹਨ। ਸਕੂਲਾਂ ਤੋਂ ਇਹ ਵੀ ਉਮੀਦ ਕੀਤੀ ਜਾ ਰਹੀ ਹੈ ਕਿ ਉਹ ਵਿਦਿਆਰਥੀਆਂ ਦੀ ਹਾਜ਼ਰੀ ਬਾਰੇ ਜਾਣਕਾਰੀ ਵੀ ਸ਼ਾਮਲ ਕਰਨ। ਸਰਕਾਰ ਨੇ ਕਿਹਾ ਕਿ ਹੋਰ ਵਿਸ਼ਿਆਂ ਅਤੇ ਵਿਦਿਆਰਥੀਆਂ ਦੇ ਵਿਹਾਰ ਬਾਰੇ ਰਿਪੋਰਟਿੰਗ ਪਹਿਲਾਂ ਵਾਂਗ ਹੀ ਜਾਰੀ ਰਹੇਗੀ।
“ਇਹ ਸਮਝਣ ਵਿੱਚ ਆਸਾਨ ਹੋਵੇਗਾ, ਹੋਰ ਵਿਸਤ੍ਰਿਤ ਹੋਵੇਗਾ, ਅਤੇ ਮਾਪਿਆਂ ਨੂੰ ਆਪਣੇ ਬੱਚਿਆਂ ਦੀ ਸਫਲਤਾ ਦੀ ਪੂਰੀ ਤਸਵੀਰ ਸਾਹਮਣੇ ਆਵੇਗੀ।
ਸਟੈਨਫੋਰਡ ਨੇ ਕਿਹਾ ਕਿ ਕਈ ਏਜੰਸੀਆਂ, ਜਿਵੇਂ ਕਿ Education Review Office, ਨੇ ਵੀ ਵਿਦਿਆਰਥੀਆਂ ਦੀ ਪ੍ਰਾਪਤੀ ਤੇ ਤਰੱਕੀ ਦੀ ਰਾਸ਼ਟਰੀ ਪੱਧਰ ’ਤੇ ਇੱਕਸਾਰ ਰਿਪੋਰਟਿੰਗ ਦੀ ਮੰਗ ਕੀਤੀ ਸੀ।
ਉਸਨੇ ਕਿਹਾ ਕਿ ਸਕੂਲ ਹੁਣ SMART tool ਨਾਮਕ ਨਵੇਂ ਟੈਸਟ ਦਾ ਪ੍ਰਯੋਗ ਕਰਨਗੇ ਜਿਸ ਰਾਹੀਂ ਤੀਜੀ ਤੋਂ ਅੱਠਵੀਂ ਕਲਾਸ ਤੱਕ ਦੇ ਬੱਚਿਆਂ ਦੀ ਪ੍ਰਾਪਤੀ ਮਾਪੀ ਜਾਵੇਗੀ — ਆਨਲਾਈਨ ਜਾਂ ਪ੍ਰਿੰਟ ਰੂਪ ਵਿੱਚ ਸਕੂਲ AI (Artificial Intelligence) ਦੀ ਮਦਦ ਨਾਲ ਨਤੀਜਿਆਂ ਦਾ ਵਿਸ਼ਲੇਸ਼ਣ ਵੀ ਕਰ ਸਕਣਗੇ। ਸਕੂਲ PATs (Progressive Achievement Tests) ਜਾਂ e-asTTle ਦਾ ਵੀ ਪ੍ਰਯੋਗ ਕਰ ਸਕਦੇ ਹਨ, ਹਾਲਾਂਕਿ e-asTTle ਅਗਲੇ ਸਾਲ ਬੰਦ ਕਰ ਦਿੱਤਾ ਜਾਵੇਗਾ।
ਸਟੈਨਫੋਰਡ ਨੇ ਕਿਹਾ ਕਿ ਪ੍ਰਾਪਤੀ ਦਰਸਾਉਣ ਦਾ ਇੱਕ ਸਾਂਝਾ ਤਰੀਕਾ ਇਹ ਯਕੀਨੀ ਬਣਾਏਗਾ ਕਿ ਬੱਚੇ ਜੇਕਰ ਸਕੂਲ ਬਦਲਣ ਤਾਂ ਵੀ ਰਿਪੋਰਟਾਂ ਇੱਕਸਾਰ ਰਹਿਣ।