ਪ੍ਰਦੀਪ ਚਿੱਜੜ

ਆਕਲੈਂਡ:- 30 ਜਨਵਰੀ 2026

ਆਕਲੈਂਡ  ਅਤੇ Tarunga Temple  ਦੇ ਨਗਰ ਕੀਰਤਨ  ਰੋਕਣ ਤੋ ਬਾਅਦ  ਬ੍ਰਾਇਨ ਤਮਾਕੀ ਨੇ ਹੁਣ ਆਕਲੈਂਡ ਦੇ ਹਾਰਬਰ ਬ੍ਰਿਜ਼ ‘ ਵੱਲ  ਰੁਖ ਕੀਤਾ।
ਪਰ ਡੈਸਟਨੀ ਚਰਚ ਦੇ ਪ੍ਰਦਰਸ਼ਨ ਮਾਰਚ ਨੂੰ ਰੋਕਣ ਲਈ ਪੁਲਿਸ ਦਾ ਐਲਾਨ, ਪੈਦਲ ਚਲਣ ‘ਤੇ ਨਵਾਂ ਪਾਬੰਦੀ ਹੁਕਮ  ਜਾਰੀ।
ਪੁਲਿਸ ਦਾ ਕਹਿਣਾ ਹੈ ਕਿ ਦੇਸ਼ ਭਰ ਤੋਂ ਬੁਲਾਏ ਗਏ ਅਧਿਕਾਰੀਆਂ ਸਮੇਤ “ਵੱਡੀ ਪੁਲਿਸ ਮੌਜੂਦਗੀ” ਆਕਲੈਂਡ ਸ਼ਹਿਰ ਦੇ ਹਾਰਬਰ ਬ੍ਰਿਜ਼ ‘ਤੇ ਪ੍ਰਦਰਸ਼ਨਕਾਰੀਆਂ ਨੂੰ ਪੈਦਲ ਜਾਣ ਤੋਂ ਰੋਕੇਗੀ।
ਸੁਰੱਖਿਆ ਚਿੰਤਾਵਾਂ ਕਾਰਨ ਨਿਊਜ਼ੀਲੈਂਡ ਟ੍ਰਾਂਸਪੋਰਟ ਏਜੰਸੀ NZTA ਨੇ ਫ੍ਰੀਡਮ ਐਂਡ ਰਾਈਟਸ ਕੋਅਲਿਸ਼ਨ—ਜੋ ਡੈਸਟਨੀ ਚਰਚ ਦੁਆਰਾ ਕੋਵਿਡ-19 ਪਾਬੰਦੀਆਂ ਦੇ ਵਿਰੋਧ ਵਿੱਚ ਬਣਾਈ ਗਈ ਸੀ ਦੀ ਹਾਰਬਰ  ਬ੍ਰਿਜ਼ ‘ਤੇ ਮਾਰਚ ਕਰਨ ਦੀ ਅਰਜ਼ੀ ਰੱਦ ਕਰ ਦਿੱਤੀ ਹੈ।
ਇਸ ਦੇ ਬਾਵਜੂਦ ਵੀ, ਚਰਚ ਦੇ ਨੇਤਾ ਬ੍ਰਾਇਨ ਤਾਮਾਕੀ ਨੇ ਪ੍ਰਦਰਸ਼ਨ ਜਾਰੀ ਰੱਖਣ ਦਾ ਐਲਾਨ ਕੀਤਾ ਹੈ ਅਤੇ ਆਪਣੇ ਸਮਰਥਕਾਂ ਨੂੰ ਆਕਲੈਂਡ ਦੇ ਕੇਂਦਰ ਵਿੱਚ ਵਿਟਕੋਰੀਆ ਪਾਰਕ ਵਿੱਚ ਇਕੱਠੇ ਹੋਣ ਦੀ ਅਪੀਲ ਕੀਤੀ ਹੈ।
ਪੁਲਿਸ ਨੇ ਕਿਹਾ ਕਿ ਉਹ ਕਿਸੇ ਨੂੰ ਵੀ ਬ੍ਰਿਜ਼ ‘ਤੇ ਪੈਦਲ ਜਾਣ ਦੀ ਕੋਸ਼ਿਸ਼ ਨਹੀਂ ਕਰਨ ਦੇਣਗੇ।
ਉਨ੍ਹਾਂ ਕਿਹਾ, “ਅਸੀਂ ਬਿਲਕੁਲ ਸਾਫ਼ ਕਰ ਦਿਤਾ ਹੈ ਕਿ ਮੋਟਰਵੇ ਜਾਂ ਹਾਰਬਰ ਬ੍ਰਿਜ਼ ‘ਤੇ ਪੈਦਲ ਜਾਣ ਦੀ ਕੋਈ ਵੀ ਕੋਸ਼ਿਸ਼ ਰੋਕੀ ਜਾਵੇਗੀ। ਇਹ ਗੈਰਕਾਨੂੰਨੀ ਕਦਮ ਹੈ ਅਤੇ ਇਸ ਦੇ ਨਤੀਜੇ ਭੁਗਤਣੇ ਪੈਣਗੇ।”
ਪਰ ਤਾਮਾਕੀ ਨੇ ਕਈ ਵਾਰ ਸੋਸ਼ਲ ਮੀਡੀਆ ‘ਤੇ ਕਿਹਾ ਹੈ ਕਿ ਉਹ ਕੱਲ੍ਹ ਬ੍ਰਿਜ਼ ‘ਤੇ ਜ਼ਰੂਰ ਮਾਰਚ ਕਰਨਗੇ।
ਡਿਪਟੀ ਮੇਅਰ ਡੈਸਲੀ ਸਿਮਪਸਨ ਨੇ ਵੀ ਪ੍ਰਸਿੱਧ ਹਾਰਬਰ ਬ੍ਰਿਜ਼ ‘ਤੇ ਪ੍ਰਦਰਸ਼ਨ ਦੇ ਵਿਰੋਧ ਵਿੱਚ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਹਜ਼ਾਰਾਂ ਆਕਲੈਂਡ ਵਾਸੀਆਂ ਦੀ ਯਾਤਰਾ ਯੋਜਨਾਵਾਂ ਪ੍ਰਭਾਵਿਤ ਹੋ ਸਕਦੀਆਂ ਹਨ।
ਉਨ੍ਹਾਂ ਨੇ ਕਿਹਾ, “ਮੈਂ ਸ਼ਾਂਤੀਪੂਰਨ ਪ੍ਰਦਰਸ਼ਨ ਅਤੇ ਅਭਿਵਿਕਤੀ ਦੀ ਆਜ਼ਾਦੀ ਦਾ ਪੂਰਾ ਸਮਰਥਨ ਕਰਦੀ ਹਾਂ, ਪਰ ਉਹ ਕਾਰਵਾਈਆਂ ਜੋ ਹਜ਼ਾਰਾਂ ਲੋਕਾਂ ਦੀ ਯਾਤਰਾ ਨੂੰ ਪ੍ਰਭਾਵਿਤ ਕਰਦੀਆਂ ਹਨ, ਉਹ ਮੈਨੂੰ ਮਨਜ਼ੂਰ ਨਹੀਂ।”
ਸਿਮਪਸਨ ਨੇ ਇਹ ਵੀ ਕਿਹਾ ਕਿ ਹਾਰਬਰ ਬ੍ਰਿਜ਼ ‘ਤੇ ਨਿਯੰਤਰਣ ਅਤੇ ਕਾਨੂੰਨ-ਵਿਵਸਥਾ ਦਾ ਅਧਿਕਾਰ ਕੇਂਦਰੀ ਸਰਕਾਰ ਕੋਲ ਹੈ ਅਤੇ ਸਰਕਾਰ ਨੂੰ ਇਸ ‘ਤੇ ਸਖ਼ਤ ਰੁਖ ਲੈਣਾ ਚਾਹੀਦਾ ਹੈ।