ਪ੍ਰਦੀਪ ਚਿੱਜੜ

ਆਕਲੈਂਡ:- 06 ਜਨਵਰੀ 2026

ਇੰਡਿਪੈਂਡੈਂਟ ਪੁਲਿਸ ਕੰਡਕਟ ਅਥਾਰਟੀ (IPCA) ਨੇ ਇਸ ਹਫ਼ਤੇ ਦੋਸ਼ਾਂ ਦੀ ਜਾਂਚ ਦੀ ਇੱਕ ਰਿਪੋਰਟ ਜਾਰੀ ਕੀਤੀ ਹੈ।
ਇੱਕ ਪੁਲਿਸ ਕਰਮਚਾਰੀ ਨੂੰ ਪੁਲਿਸ ਵਿੱਚ ਨੌਕਰੀ ‘ਤੇ ਲੱਗਣ ਤੋਂ ਪਹਿਲਾਂ ਅਤੇ ਬਾਅਦ ਇੱਕ “ਵੱਡੇ ਰਿਟੇਲ ਚੇਨ” ਨਾਲ ਜੁੜੀ ਧੋਖਾਧੜੀ ਵਿੱਚ ਸ਼ਾਮਲ ਪਾਇਆ ਗਿਆ ਹੈ।
ਇੰਡਿਪੈਂਡੈਂਟ ਪੁਲਿਸ ਕੰਡਕਟ ਅਥਾਰਟੀ (IPCA) ਨੇ ਇਸ ਮਾਮਲੇ ਬਾਰੇ ਆਪਣੀ ਜਾਂਚ ਦਾ ਸਾਰ ਜਾਰੀ ਕੀਤਾ। ਇੱਕ ਪੁਲਿਸ ਕਰਮਚਾਰੀ ਆਪਣੀ ਪਹਿਲੀ ਨੌਕਰੀ ਦੌਰਾਨ ਵੱਡੀ ਧੋਖਾਧੜੀ ਵਿੱਚ ਸ਼ਾਮਲ ਸੀ।
ਇਹ ਧੋਖਾਧੜੀ ਇੱਕ ਵੱਡੇ ਰਿਟੇਲ ਚੇਨ ਨਾਲ ਸੰਬੰਧਿਤ ਸੀ।
ਪੁਲਿਸ ਨੇ  ਜਾਂਚ ਕੀਤੀ ਅਤੇ ਪਾਇਆ ਕਿ ਉਹ ਕਰਮਚਾਰੀ ਨਿਊਜ਼ੀਲੈਂਡ ਪੁਲਿਸ ਵਿੱਚ ਨੌਕਰੀ ‘ਤੇ ਲੱਗਣ ਤੋਂ ਪਹਿਲਾਂ ਹੀ ਇਸ ਧੋਖਾਧੜੀ ਯੋਜਨਾ ਵਿੱਚ ਗਹਿਰਾਈ ਨਾਲ ਸ਼ਾਮਲ ਸੀ। ਪੁਲਿਸ ਨੂੰ ਸਬੂਤ ਮਿਲੇ ਕਿ ਉਸ ਕਰਮਚਾਰੀ ਨੇ ਹੋਰ ਲੋਕਾਂ ਦੀ ਮਦਦ ਨਾਲ ਧੋਖਾਧੜੀ ਪੂਰੀ ਕੀਤੀ ਅਤੇ ਪੁਲਿਸ ਵਿੱਚ ਨੌਕਰੀ ਮਿਲਣ ਤੋਂ ਬਾਅਦ ਵੀ ਇਸ ਵਿੱਚ ਸ਼ਾਮਲ ਰਿਹਾ।
ਉਸ ਕਰਮਚਾਰੀ ਨੇ ਬੇਇਮਾਨੀ ਦੇ ਅੱਠ ਦੋਸ਼ਾਂ ਲਈ ਦੋਸ਼ ਕਬੂਲ ਕੀਤਾ।
“ਪੁਲਿਸ ਨੇ ਨੌਕਰੀ ਸੰਬੰਧੀ ਕਾਰਵਾਈ ਵੀ ਕੀਤੀ ਅਤੇ ਨਿਰਧਾਰਤ ਕੀਤਾ ਕਿ ਕਰਮਚਾਰੀ ਨੇ ਕੋਡ ਆਫ਼ ਕੰਡਕਟ ਅਤੇ ਪੁਲਿਸ   ਨਿਯਮਾਂ  ਦੀ ਉਲੰਘਣਾ ਕੀਤੀ।
ਉਹ ਕਰਮਚਾਰੀ  ਕੇਸ ਦੀ ਕਾਰਵਾਈ ਪੂਰੀ ਹੋਣ ਤੋਂ ਪਹਿਲਾਂ ਹੀ ਅਸਤੀਫ਼ਾ ਦੇ ਗਿਆ।
ਪੁਲਿਸ ਵਿਭਾਗ ਆਪਣੀ ਕਾਰਵਾਈ ਕਰ ਰਹੀ ਹੈ।