ਆਕਲੈਂਡ:- 22 ਫਰਵਰੀ 2026

ਪ੍ਰਦੀਪ ਚਿੱਜੜ

ਪੁਲਿਸ ਮੰਤਰੀ ਮਾਰਕ  , ਸਰਕਾਰ ਪੁਲਿਸ ਨੂੰ ਇਹ ਅਧਿਕਾਰ ਦੇ ਰਹੀ ਹੈ ਕਿ ਉਹ ਬੇਘਰ ਲੋਕਾਂ ਜਾਂ ਭਿਖਾਰੀਆਂ ਨੂੰ 24 ਘੰਟਿਆਂ ਤੱਕ ਕਿਸੇ ਖੇਤਰ ਤੋਂ ਹਟਣ ਦੇ ਆਦੇਸ਼ ਦੇ ਸਕੇ — ਇਸ ਕਦਮ ਨੂੰ ਪੁਲਿਸ ਮੰਤਰੀ ਮਾਰਕ ਮਿਚੇਲ ਨੇ “ਜਨਤਕ ਸੁਰੱਖਿਆ ਲਈ ਲਿਆ ਗਿਆ ਕਦਮ” ਕਿਹਾ ਹੈ।
ਸਮਰੀ ਅਫ਼ੈਂਸਿਜ਼ ਐਕਟ (Summary Offences Act) ਵਿੱਚ ਸੋਧ ਕੀਤੀ ਜਾਵੇਗੀ ਤਾਂ ਜੋ ਪੁਲਿਸ ਨੂੰ ਇਹ ਅਧਿਕਾਰ ਮਿਲ ਸਕੇ ਕਿ ਉਹ ਉਹਨਾਂ ਲੋਕਾਂ ਨੂੰ ਬੰਦ ਕਰ ਸਕਣ ਜੋ ਸੜਕਾਂ ’ਤੇ ਸੌਂਦੇ ਹਨ, ਭੀਖ ਮੰਗਦੇ ਹਨ, ਕਾਰੋਬਾਰਾ ਨੂੰ ਰੁਕਾਵਟ ਪਾਉਂਦੇ ਹਨ ਜਾਂ ਗੈਰ-ਅਨੁਸ਼ਾਸ਼ਿਤ ਜਾਂ ਧਮਕੀਭਰੇ ਵਿਹਾਰ ਕਰਦੇ ਹਨ।

ਜਿਨ੍ਹਾਂ ਵਿਅਕਤੀਆਂ ਨੂੰ ਪਾਬੰਦੀ ਲਾਈ ਜਾਵੇਗੀ, ਉਹਨਾਂ ਨੂੰ ਪੁਲਿਸ ਅਧਿਕਾਰੀ ਦੁਆਰਾ ਨਿਰਧਾਰਤ ਖੇਤਰ ਤੋਂ “ਉਚਿਤ ਦੂਰੀ” ’ਤੇ ਜਾਣਾ ਪਵੇਗਾ। ਇਹ ਕਾਨੂੰਨ 14 ਸਾਲ ਜਾਂ ਇਸ ਤੋਂ ਵੱਧ ਉਮਰ ਵਾਲਿਆਂ ਲਈ ਲਾਗੂ ਹੋਵੇਗਾ। ਜੇਕਰ ਕੋਈ ਇਸ ਆਦੇਸ਼ ਦੀ ਉਲੰਘਣਾ ਕਰਦਾ ਹੈ, ਤਾਂ ਉਸਨੂੰ ਵੱਧ ਤੋਂ ਵੱਧ $2000 ਜੁਰਮਾਨਾ ਜਾਂ ਤਿੰਨ ਮਹੀਨਿਆਂ ਤੱਕ ਦੀ ਕੈਦ ਹੋ ਸਕਦੀ ਹੈ।
ਮਿਚੇਲ ਨੇ ਐਤਵਾਰ ਨੂੰ ਜਾਰੀ ਬਿਆਨ ਵਿੱਚ ਕਿਹਾ, “ਇਹ ਜਨਤਕ ਸੁਰੱਖਿਆ ਬਾਰੇ ਹੈ ਅਤੇ ਸਾਡੇ ਫਰੰਟਲਾਈਨ  ਅਧਿਕਾਰੀਆਂ ਨੂੰ ਹੋਰ ਕਾਰਵਾਈ ਦੇ ਅਧਿਕਾਰ ਦੇਣ ਬਾਰੇ ਹੈ, ਤਾਂ ਜੋ ਲੋਕ ਖੁਦ ਨੂੰ ਸੁਰੱਖਿਅਤ ਮਹਿਸੂਸ ਕਰ ਸਕਣ।”
ਜਿੱਥੇ ਤਕ ਇਹ ਗੱਲ ਹੈ ਕਿ ਲੋਕਾਂ ਨੂੰ ਕਿੱਥੇ ਭੇਜਿਆ ਜਾਵੇਗਾ, ਉਨ੍ਹਾਂ ਨੂੰ ਖੇਤਰ ਤੋਂ ਉਚਿਤ ਦੂਰੀ ’ਤੇ ਜਾਣ ਦੀ ਲੋੜ ਹੋਵੇਗੀ, ਜੋ ਪੁਲਿਸ ਅਧਿਕਾਰੀ ਦੁਆਰਾ ਨਿਰਧਾਰਤ ਕੀਤੀ ਜਾਵੇਗੀ।
ਉਸਨੇ ਕਿਹਾ, “ਸਭ ਹਾਲਾਤ ਵੱਖਰੇ ਹੋਣਗੇ। ਕੁਝ ਲੋਕਾਂ ਨੂੰ ਸਹਾਇਤਾ ਸੇਵਾਵਾਂ ਦੀ ਲੋੜ ਹੋ ਸਕਦੀ ਹੈ, ਕੁਝ ਨੂੰ ਨਹੀਂ। ਪੁਲਿਸ ਕੋਲ ਇਹ ਤਜਰਬਾ ਹੈ ਕਿ ਉਹ ਅਨੁਮਾਨ ਲਗਾ ਸਕਣ ਕਿ ਕਿਸ ਨੂੰ ਕਿਹੜੀ ਮਦਦ ਦੀ ਲੋੜ ਹੈ — ਉਹ ਇਹ ਕੰਮ ਹਰ ਰੋਜ਼ ਕਰਦੇ ਹਨ।