ਪ੍ਰਦੀਪ ਚਿੱਜੜ

ਆਕਲੈਂਡ:- 20 ਅਪ੍ਰੈਲ  2026

ਨਿਊਜ਼ੀਲੈਂਡ ਦਾ  ਭਾਰਤ ਨਾਲ ਫ੍ਰੀ ਟਰੇਡ ਅਗਰੀਮੈਂਟ ਅਗਲੇ ਹਫ਼ਤੇ ਸਾਈਨ ਕੀਤਾ ਜਾਵੇਗਾ, ਜੋ ਦੋਨਾਂ ਦੇਸ਼ਾਂ ਦੇ ਵਪਾਰਕ ਸੰਬੰਧਾਂ ਵਿੱਚ ਇੱਕ ਵੱਡਾ ਮੋੜ ਸਾਬਤ ਹੋਵੇਗਾ।
ਟਰੇਡ ਅਤੇ ਇਨਵੈਸਟਮੈਂਟ ਮੰਤਰੀ ਟਾਡ ਮੈਕਲੇ ਨੇ ਪੁਸ਼ਟੀ ਕੀਤੀ ਕਿ ਇਸ ਸਮਝੌਤੇ ਦੀ ਕਾਨੂੰਨੀ ਜਾਂਚ ਪੂਰੀ ਹੋ ਚੁੱਕੀ ਹੈ ਅਤੇ ਦੋਵੇਂ ਸਰਕਾਰਾਂ ਨੇ 27 ਅਪ੍ਰੈਲ ਨੂੰ ਨਵੀਂ ਦਿੱਲੀ ਵਿੱਚ ਇਸਨੂੰ ਅਧਿਕਾਰਕ ਤੌਰ ‘ਤੇ ਸਾਈਨ ਕਰਨ ‘ਤੇ ਸਹਿਮਤੀ ਜਤਾਈ ਹੈ।
ਇਹ ਸਮਝੌਤਾ, ਜੋ ਪਹਿਲਾਂ ਦਸੰਬਰ ਵਿੱਚ ਤੈਅ ਕੀਤਾ ਗਿਆ ਸੀ, ਨਿਊਜ਼ੀਲੈਂਡ ਦੇ ਐਕਸਪੋਰਟਰਾਂ ਨੂੰ ਲਗਭਗ 1.4 ਅਰਬ ਲੋਕਾਂ ਦੇ ਵੱਡੇ ਬਜ਼ਾਰ ਤੱਕ ਪਹੁੰਚ ਦੇਵੇਗਾ। ਸਰਕਾਰ ਨੇ ਇਸਨੂੰ “ਇੱਕ ਪੀੜ੍ਹੀ ਵਿੱਚ ਇੱਕ ਵਾਰ ਆਉਣ ਵਾਲਾ ਮੌਕਾ” ਕਰਾਰ ਦਿੱਤਾ ਹੈ।
ਇਸ ਡੀਲ ਦੇ ਤਹਿਤ ਭਾਰਤ ਨੂੰ ਨਿਊਜ਼ੀਲੈਂਡ ਦੇ 95 ਫੀਸਦੀ ਐਕਸਪੋਰਟ ‘ਤੇ ਲੱਗਣ ਵਾਲੇ ਟੈਰਿਫ਼ ਖਤਮ ਜਾਂ ਘਟਾ ਦਿੱਤੇ ਜਾਣਗੇ, ਜੋ ਕਿ ਭਾਰਤ ਨਾਲ ਹੋਣ ਵਾਲੇ ਕਿਸੇ ਵੀ ਵਪਾਰਕ ਸਮਝੌਤੇ ਵਿੱਚ ਸਭ ਤੋਂ ਉੱਚੇ ਪੱਧਰਾਂ ਵਿੱਚੋਂ ਇੱਕ ਹੈ।
ਉਨ੍ਹਾਂ ਨੇ ਕਿਹਾ ਕਿ ਅੱਧ ਤੋਂ ਵੱਧ ਐਕਸਪੋਰਟ—ਜਿਵੇਂ ਕਿ ਮੇਮਣੇ ਦਾ ਮਾਸ, ਉੱਨ ਅਤੇ ਕਈ ਜੰਗਲਾਤੀ ਉਤਪਾਦ—ਤੁਰੰਤ ਹੀ ਡਿਊਟੀ-ਫ੍ਰੀ ਹੋ ਜਾਣਗੇ, ਜੋ ਸਮੇਂ ਦੇ ਨਾਲ ਵਧ ਕੇ 82 ਫੀਸਦੀ ਤੱਕ ਪਹੁੰਚ ਜਾਣਗੇ।
ਮੈਕਲੇ ਨੇ ਕਿਹਾ ਕਿ ਇਹ ਸਮਝੌਤਾ ਨਿਊਜ਼ੀਲੈਂਡ ਦੇ ਐਕਸਪੋਰਟਰਾਂ ਲਈ ਮੁਕਾਬਲੇ ਦੀਆਂ ਸਥਿਤੀਆਂ ਨੂੰ ਬਰਾਬਰ ਕਰੇਗਾ, ਕਿਉਂਕਿ ਭਾਰਤ ਵਿੱਚ ਹੋਰ ਦੇਸ਼ ਪਹਿਲਾਂ ਹੀ ਘੱਟ ਟੈਰਿਫ਼ ਦਾ ਲਾਭ ਲੈ ਰਹੇ ਹਨ।
“ਇਸ ਨਾਲ ਨਿਊਜ਼ੀਲੈਂਡ ਦੇ ਕਾਰੋਬਾਰਾਂ ਨੂੰ ਦੁਨੀਆ ਦੀਆਂ ਸਭ ਤੋਂ ਤੇਜ਼ੀ ਨਾਲ ਵਿਕਸਤ ਹੋ ਰਹੀਆਂ ਅਰਥਵਿਵਸਥਾਵਾਂ ਵਿੱਚ ਬਰਾਬਰੀ ਦੇ ਮੌਕੇ ‘ਤੇ ਮੁਕਾਬਲਾ ਕਰਨ ਦਾ ਮੌਕਾ ਮਿਲੇਗਾ।”