ਪ੍ਰਦੀਪ ਚਿੱਜੜ

ਆਕਲੈਂਡ:- 06 ਅਪ੍ਰੈਲ 2026

ਨਿਊਜ਼ੀਲੈਂਡ ਵਿੱਚ ਇਸ ਵੇਲੇ ਸਿਰਫ਼ 17.5 ਦਿਨਾਂ ਲਈ ਹੀ ਡੀਜ਼ਲ ਉਪਲਬਧ ਹੈ, ਹਾਲਾਂਕਿ ਹੋਰ ਸਪਲਾਈ ਸਮੁੰਦਰ ਰਾਹੀਂ ਆ ਰਹੀ ਹੈ। ਕਾਰੋਬਾਰ, ਨਵੀਂਕਰਨ ਅਤੇ ਰੁਜ਼ਗਾਰ ਮੰਤਰਾਲੇ (MBIE) ਦੇ ਅਨੁਸਾਰ  ਤੇਲ ਦੇ ਸਟਾਕ ਇਸ ਸਮੇਂ ਸਥਿਰ ਅਤੇ ਕਾਫ਼ੀ ਹਨ।
MBIE ਨੇ ਕਿਹਾ, “ਅੱਜ ਜਾਰੀ ਕੀਤੇ ਗਏ  ਅੰਕੜਿਆਂ ਵਿੱਚ ਪੈਟਰੋਲ ਅਤੇ ਜੈੱਟ ਫਿਊਲ ਦੇ ਸਟਾਕ ਵਿੱਚ ਵਾਧਾ ਅਤੇ ਡੀਜ਼ਲ ਦੇ ਸਟਾਕ ਵਿੱਚ ਹਲਕਾ ਘਾਟਾ ਦਰਸਾਇਆ ਗਿਆ ਹੈ, ਜੋ 1 ਅਪ੍ਰੈਲ ਵਾਲੀ ਪਿਛਲੀ ਅਪਡੇਟ ਨਾਲ ਤੁਲਨਾ ਵਿੱਚ ਹੈ।”
ਅੱਜ ਦੇ ਅੰਕੜਿਆਂ ਮੁਤਾਬਕ ਦੇਸ਼ ਵਿੱਚ 17.5 ਦਿਨਾਂ ਦਾ ਡੀਜ਼ਲ ਮੌਜੂਦ ਹੈ, ਜੋ ਕਿ 1 ਅਪ੍ਰੈਲ ਨੂੰ ਦਰਸਾਏ ਗਏ 21.6 ਦਿਨਾਂ ਨਾਲੋਂ 4.1 ਦਿਨ ਘੱਟ ਹੈ।
ਨਿਊਜ਼ੀਲੈਂਡ ਕੋਲ ਇਸ ਸਮੇਂ 61.9 ਦਿਨਾਂ ਦਾ ਪੈਟਰੋਲ 51.5 ਦਿਨਾਂ ਦਾ ਡੀਜ਼ਲ 50.1 ਦਿਨਾਂ ਦਾ ਜੈੱਟ ਫਿਊਲ ਉਪਲਬਧ ਹੈ ।   ਸਰਕਾਰ ਨੇ ਸਪਲਾਈ ਚੇਨ ਨਾਲ ਜੁੜੀਆਂ ਚਿੰਤਾਵਾਂ ਦੇ ਕਾਰਨ ਹੁਣ ਹਫ਼ਤੇ ਵਿੱਚ ਦੋ ਵਾਰ ਦੇਸ਼ ਵਿੱਚ ਤੇਲ ਦੇ ਸਟਾਕ ਬਾਰੇ ਅਪਡੇਟ ਜਾਰੀ ਕਰਨੀ ਸ਼ੁਰੂ ਕੀਤੀ ਹੈ।