ਪ੍ਰਦੀਪ ਚਿੱਜੜ

ਆਕਲੈਂਡ:- 13 ਜਨਵਰੀ 2026

ਆਕਲੈਂਡ ਵਾਸੀਆਂ ਦੇ ਕੰਮ ‘ਤੇ ਵਾਪਸ ਜਾਣ ਦੇ ਸਮੇਂ ਵੀ ਰੇਲ ਸੇਵਾਵਾਂ ਬੰਦ ਲੋਕ ਪ੍ਰੇਸ਼ਾਨ ਤੇ ਸਵਾਲ ਕਰਦੇ ਕਦੋਂ ਚੱਲਣਗੀਆਂ ਮੁੜ ਰੇਲ ?
ਆਕਲੈਂਡ ਦੀ ਪੂਰੀ ਰੇਲ ਪ੍ਰਣਾਲੀ ਅਜੇ ਵੀ ਬੰਦ ਹੈ, ਜਦੋਂ ਕਿ ਲੋਕ ਗਰਮੀਆਂ ਦੀ ਛੁੱਟੀਆਂ ਤੋਂ ਬਾਅਦ ਮੁੜ ਕੰਮ ‘ਤੇ ਵਾਪਸ ਆ ਰਹੇ ਹਨ। ਅਜੇ ਵੀ ਰੇਲ ਸੇਵਾ ਸ਼ੁਰੂ ਹੋਣ ਵਿੱਚ ਕੁਝ ਦਿਨ ਲੱਗਣਗੇ।
ਜਿੱਥੇ ਵੈਲਿੰਗਟਨ ਦੇ ਜ਼ਿਆਦਾਤਰ ਯਾਤਰੀ ਕੱਲ੍ਹ ਆਪਣੀ ਯਾਤਰਾ ਮੁੜ ਸ਼ੁਰੂ ਕਰਨ ਵਿੱਚ ਸਫਲ ਰਹੇ, ਉੱਥੇ ਆਕਲੈਂਡ ਦੇ ਲੋਕਾਂ ਨੂੰ ਹੋਰ ਉਡੀਕ ਕਰਨੀ ਪਵੇਗੀ ਕਿਉਂਕਿ KiwiRail ਵੱਲੋਂ ਰਖ-ਰਖਾਅ ਅਤੇ ਅੱਪਗ੍ਰੇਡ ਦਾ ਕੰਮ ਜਾਰੀ ਹੈ।
ਇਹ ਕਈ ਹਫ਼ਤਿਆਂ ਦੀ ਬੰਦਸ਼ 27 ਦਸੰਬਰ ਤੋਂ ਸ਼ੁਰੂ ਹੋਈ ਸੀ, ਜਿਸ ਵਿੱਚ 1300 ਤੋਂ ਵੱਧ ਕਰਮਚਾਰੀ 40 ਤੋਂ ਵੱਧ ਸਾਈਟਾਂ ‘ਤੇ ਪਟੜੀਆਂ, ਪਲੇਟਫਾਰਮ ਅਤੇ ਲੈਵਲ ਕਰਾਸਿੰਗਾਂ ਦੇ ਅੱਪਗ੍ਰੇਡ ਦਾ ਕੰਮ ਕਰ ਰਹੇ ਹਨ।
ਯਾਤਰੀਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਰੇਲ ਬਦਲ ਬੱਸ ਸੇਵਾਵਾਂ ਦੀ ਵਰਤੋਂ ਕਰਨ।
ਸੀਮਿਤ ਸੇਵਾਵਾਂ ਸੋਮਵਾਰ, 19 ਜਨਵਰੀ ਤੋਂ ਮੁੜ ਸ਼ੁਰੂ ਹੋਣਗੀਆਂ, ਪਰ ਸਿਰਫ਼ ਕੁਝ ਹਿੱਸਿਆਂ ‘ਤੇ ਹੀ। ਵੈਸਟਰਨ ਲਾਈਨ ਬੰਦ ਰਹੇਗੀ, ਜਦਕਿ ਓਨਿਹੁੰਗਾ ਲਾਈਨ ਹੀ ਇੱਕੋ ਲਾਈਨ ਹੋਵੇਗੀ ਜੋ ਆਪਣੀ ਆਮ ਹਫ਼ਤਾਵਾਰ ਸੇਵਾ ਮੁੜ ਸ਼ੁਰੂ ਕਰੇਗੀ।
ਸਦਰਨ ਲਾਈਨ ‘ਤੇ ਰੇਲ ਸਿਰਫ਼ ਨਿਊਮਾਰਕੀਟ ਤੋਂ ਪੁਹਿਨੂਈ ਤੱਕ ਚੱਲਣਗੀਆਂ ਅਤੇ Manukau ‘ਤੇ ਸ਼ੁਰੂ ਤੇ ਖ਼ਤਮ ਹੋਣਗੀਆਂ।
ਈਸਟਰਨ ਲਾਈਨ ‘ਤੇ  ਬ੍ਰਿਟੋਮਾਰਟ ਤੋਂ ਓਟਾਹੁਹੁ ਤੱਕ ਦੇ ਸਟੇਸ਼ਨ ਵੀ ਬੰਦ ਰਹਿਣਗੇ।
ਸਭ ਲਾਈਨਾਂ ਅਤੇ ਸਟੇਸ਼ਨਾਂ ਨੂੰ 27 ਅਤੇ 28 ਜਨਵਰੀ ਨੂੰ ਦੁਬਾਰਾ ਬੰਦ ਕੀਤਾ ਜਾਵੇਗਾ ਸਿਟੀ ਰੇਲ ਲਿੰਕ ਟਾਈਮਟੇਬਲ ਟੈਸਟਿੰਗ ਲਈ।
ਪੂਰੀ ਸੇਵਾ 29 ਜਨਵਰੀ ਨੂੰ ਮੁੜ ਸ਼ੁਰੂ ਹੋਣ ਦੀ ਉਮੀਦ ਹੈ।