ਪ੍ਰਦੀਪ ਚਿੱਜੜ

ਆਕਲੈਂਡ  :- 13 ਫਰਵਰੀ 2026

ਉੱਤਰੀ ਟਾਪੂ ਅੱਜ ਸਵੇਰੇ ਤੋਂ ਹੀ ਤੂਫ਼ਾਨਾਂ ਅਤੇ ਤੇਜ਼ ਮੀਂਹ ਨਾਲ ਭਿੱਜਣ ਵਾਲਾ ਹੈ ।  ਉੱਤਰੀ  ਟਾਪੂ ਦੇ ਵੱਡੇ ਹਿੱਸੇ ਲਈ ਚੇਤਾਵਨੀਆਂ ਅਤੇ ਨਿਗਰਾਨੀਆਂ ਜਾਰੀ ਕੀਤੀਆਂ ਗਈਆਂ ਹਨ, ਕਿਉਂਕਿ ਭਾਰੀ ਮੀਂਹ ਪਹਿਲਾਂ ਦੇ ਅਨੁਮਾਨਾਂ ਨਾਲੋਂ ਕਈ ਘੰਟੇ ਪਹਿਲਾਂ ਆਉਣ ਦੀ ਸੰਭਾਵਨਾ ਹੈ।
ਸਵੇਰੇ 9 ਵਜੇ ਤੋਂ ਨੌਰਥਲੈਂਡ, ਆਕਲੈਂਡ, ਗ੍ਰੇਟ ਬੈਰੀਅਰ ਟਾਪੂ, ਕੋਰੋਮੈਂਡਲ ਪਨਿਨਸੁਲਾ ਅਤੇ ਵਾਇਕਾਟੋ ਤੇ ਵੈਟੋਮੋ ਤੱਕ ਭਾਰੀ ਮੀਂਹ ਦੀ ਨਿਗਰਾਨੀ ਲਾਗੂ ਹੋ ਗਈ ਹੈ — ਜੋ ਪਹਿਲਾਂ ਦੁਪਹਿਰ 12 ਵਜੇ ਲਾਗੂ ਹੋਣੀ ਸੀ। ਆਕਲੈਂਡ, ਵਾਂਗਾਰੇਈ ਅਤੇ ਹੈਮਿਲਟਨ ਵਿੱਚ ਇਸ ਵੇਲੇ ਤਾਪਮਾਨ 22 ਡਿਗਰੀ ਸੈਲਸੀਅਸ ਦੇ ਆਸ-ਪਾਸ ਹੈ, ਜਿਸ ਦੇ 26 ਡਿਗਰੀ ਤੱਕ ਜਾਣ ਦੀ ਉਮੀਦ ਹੈ।
MetService ਦੇ ਮੌਸਮ ਵਿਗਿਆਨੀ ਐਲਵਿਨ ਬੱਕਰ ਨੇ ਕਿਹਾ ਕਿ ਇਹ ਨਿਗਰਾਨੀਆਂ ਤਿੰਨ ਘੰਟੇ ਪਹਿਲਾਂ ਇਸ ਲਈ ਲਾਈਆਂ ਗਈਆਂ  ਕਿ ਇਹ ਤੂਫਾਨ ਤੇਜੀ ਨਾਲ ਵੱਧ ਰਿਹਾ। ਹੋਰ ਖੇਤਰਾਂ ਲਈ ਵੀ ਅੱਜ ਦੇਰ ਨਾਲ ਭਾਰੀ ਮੀਂਹ ਦੀਆਂ ਨਿਗਰਾਨੀਆਂ ਜਾਰੀ ਕੀਤੀਆਂ ਜਾਣਗੀਆਂ, ਕੁਝ 20 ਘੰਟਿਆਂ ਤੱਕ ਲਾਗੂ ਰਹਿਣਗੀਆਂ। ਸਾਰੀਆਂ ਨਿਗਰਾਨੀਆਂ ਨੂੰ ਸੰਤਰੀ (orange) ਚੇਤਾਵਨੀ ਵਿੱਚ ਬਦਲਣ ਦੀ ਦਰਮਿਆਨੀ ਸੰਭਾਵਨਾ ਹੈ।