ਜ਼ਮਾਨਾ AI ਦਾ

ਪ੍ਰਦੀਪ ਚਿੱਜੜ

ਆਕਲੈਂਡ:-22  ਜੁਲਾਈ  2026
ਆਕਲੈਂਡ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਨੇ ਹਾਲ ਹੀ ਵਿੱਚ ਵਿਸ਼ਵ ਪੱਧਰੀ L’Oréal Brandstorm 2026 ਨਵੀਨਤਾ ਮੁਕਾਬਲੇ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਆਪਣੇ ਏਆਈ ਸੁਗੰਧ  (fragrance ) ਪ੍ਰੋਜੈਕਟ “Mémoire” ਨਾਲ ਵਿਸ਼ਵ ਫਾਈਨਲ ਤੱਕ ਪਹੁੰਚ ਹਾਸਲ ਕੀਤੀ।
L’Oréal Brandstorm 2026
ਇੰਜੀਨੀਅਰਿੰਗ ਦੇ ਵਿਦਿਆਰਥੀ ਮਾਧਵ ਅਰੋੜਾ, ਨੈਥਨੀਅਲ ਬਰਾਊਨ ਅਤੇ ਮਿਹਿਰ ਓਜਸ ਰੱਲਾਪੁਡੀ (ਟੀਮ MNM) ਨੂੰ ਦੁਨੀਆ ਭਰ ਤੋਂ ਆਏ 3.8 ਲੱਖ ਤੋਂ ਵੱਧ ਭਾਗੀਦਾਰਾਂ ਵਿੱਚੋਂ ਸਿਰਫ਼ ਛੇ ਫਾਈਨਲਿਸਟ ਟੀਮਾਂ ਵਿੱਚ ਸ਼ਾਮਲ ਕੀਤਾ ਗਿਆ।
ਉਨ੍ਹਾਂ ਦਾ “Mémoire” ਪ੍ਰੋਜੈਕਟ ਇੱਕ ਏਆਈ ਐਪ ਹੈ, ਜੋ ਅਪਲੋਡ ਕੀਤੀਆਂ ਤਸਵੀਰਾਂ ਦੇ ਜਜ਼ਬਾਤੀ ਅਤੇ ਸੰਦਰਭਕ ਸੰਕੇਤਾਂ ਦਾ ਵਿਸ਼ਲੇਸ਼ਣ ਕਰਕੇ ਵਿਅਕਤੀਗਤ ਲਗਜ਼ਰੀ ਸੁਗੰਧ ਦੀ ਸਿਫ਼ਾਰਸ਼ ਕਰਦਾ ਹੈ।
ਇਸ ਸਾਲ ਦਾ ਮੁਕਾਬਲਾ “AI, ਤਕਨਾਲੋਜੀ ਅਤੇ ਟਿਕਾਊਪਣ ਰਾਹੀਂ ਲਗਜ਼ਰੀ ਸੁਗੰਧ ਦਾ ਭਵਿੱਖ ਤਿਆਰ ਕਰੋ” ਥੀਮ ‘ਤੇ ਆਧਾਰਿਤ ਸੀ। ਜੇਤੂਆਂ ਨੂੰ ਪੈਰਿਸ ਸਥਿਤ L’Oréal ਗਲੋਬਲ ਹੈੱਡਕੁਆਰਟਰ ਵਿੱਚ ਤਿੰਨ ਮਹੀਨੇ ਦੀ ਉਦਯਮਤਾ ਇੰਟਰਨਸ਼ਿਪ ਮਿਲੇਗੀ।
ਆਕਲੈਂਡ ਵਿੱਚ ਵੀ ਮੁਕਾਬਲੇ ਹਣਗੇ।👇
Innovate AI Hackathon 2026
ਆਕਲੈਂਡ ਯੂਨੀਵਰਸਿਟੀ ਦੇ Centre of Digital Enterprise (CODE) ਵੱਲੋਂ BNZ ਦੇ ਸਹਿਯੋਗ ਨਾਲ ਕਰਵਾਏ ਜਾ ਰਹੇ ਇਸ ਮੁਕਾਬਲੇ ਵਿੱਚ ਆਕਲੈਂਡ ਯੂਨੀਵਰਸਿਟੀ ਅਤੇ AUT ਦੇ ਵਿਦਿਆਰਥੀ ਹਿੱਸਾ ਲੈਂਦੇ ਹਨ।
ਮੁਕਾਬਲੇ ਦੀਆਂ ਐਂਟਰੀਆਂ 22 ਜੁਲਾਈ 2026 ਸ਼ਾਮ 5 ਵਜੇ ਤੱਕ ਬੰਦ ਹੋਣਗੀਆਂ।
ਫਾਈਨਲਿਸਟ ਟੀਮਾਂ 31 ਜੁਲਾਈ ਨੂੰ BNZ Place ਵਿੱਚ ਆਪਣੀਆਂ ਪੇਸ਼ਕਾਰੀਆਂ ਕਰਨਗੀਆਂ।
ਟੀਮਾਂ AWS ਦੀ ਸਹਾਇਤਾ ਨਾਲ Generative AI, Machine Learning ਅਤੇ Intelligent Automation ਦੀ ਵਰਤੋਂ ਕਰਕੇ ਬੈਂਕਿੰਗ ਨਾਲ ਜੁੜੀਆਂ ਅਸਲ ਸਮੱਸਿਆਵਾਂ ਦੇ ਹੱਲ ਤਿਆਰ ਕਰਦੀਆਂ ਹਨ।
ਹੋਰ ਮੌਕੇ
ਇਨ੍ਹਾਂ ਮੁਕਾਬਲਿਆਂ ਵਿੱਚ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਵਿਦਿਆਰਥੀ Aotearoa AI Awards ਅਤੇ ਯੂਨੀਵਰਸਿਟੀ ਦੇ Blues Awards ਲਈ ਵੀ ਯੋਗ ਮੰਨੇ ਜਾਂਦੇ ਹਨ। Aotearoa AI Awards ਲਈ ਐਂਟਰੀਆਂ ਦੀ ਆਖ਼ਰੀ ਮਿਤੀ 23 ਜੁਲਾਈ 2026 ਹੈ।