22/10/2025
ਪ੍ਰਦੀਪ ਚਿੱਜੜ

ਦੱਖਣੀ ਅਫ਼ਰੀਕਾ ਦੀ ਲਗਾਤਾਰ ਪੰਜਵੀਂ ਜਿੱਤ

ਦੱਖਣੀ ਅਫ਼ਰੀਕਾ 312/9 (40 ਓਵਰਾਂ ਵਿੱਚ) — (ਵੋਲਵਾਰਡ 90, ਕੈਪ 68, ਸੰਧੂ 3-45)
ਪਾਕਿਸਤਾਨ 83/7 (20 ਓਵਰਾਂ ਵਿੱਚ) — (ਨਵਾਜ਼ 22*, ਕੈਪ 3-20) ਨੂੰ DLS ਵਿਧੀ ਰਾਹੀਂ 150 ਰਨਾਂ ਨਾਲ ਹਰਾਇਆ।

35 ਸਾਲ ਦੀ ਉਮਰ ਵਿੱਚ ਵੀ ਮੈਰੀਜ਼ੈਨ ਕੈਪ ਵਲੋ ਵਧੀਆ ਖੇਡ ਦਾ ਪ੍ਰਦਰਸ਼ਨ। ਉਸ ਦੀ 43 ਗੇਂਦਾਂ ’ਤੇ 68 ਨਾ ਆਉਟ ਦੋੜਾਂ ਦੀ ਤੀਬਰ ਪਾਰੀ ਨੇ ਨਾ ਸਿਰਫ਼ ਦੱਖਣੀ ਅਫ਼ਰੀਕਾ ਦਾ ਵਿਸ਼ਵ ਕਪ ਵਿੱਚ ਸਭ ਤੋਂ ਵੱਡਾ ਸਕੋਰ ਬਣਾਉਣ ਵਿੱਚ ਯੋਗਦਾਨ ਪਾਇਆ, ਸਗੋਂ ਉਸ ਤੋਂ ਬਾਅਦ ਦੀ ਗੇਂਦਬਾਜ਼ੀ ਨੇ ਵੀ ਕਮਾਲ ਕਰ ਦਿੱਤਾ। ਉਸ ਨੇ ਆਪਣੀ ਤੀਬਰ ਸ਼ੁਰੂਆਤ ਵਿੱਚ 3 ਵਿਕਟਾਂ 20 ਦੋੜਾਂ ’ਤੇ ਲੈ ਕੇ ਪਾਕਿਸਤਾਨ ਨੂੰ ਵਿਸ਼ਵ ਕਪ ਤੋਂ ਬਾਹਰ ਕਰ ਦਿੱਤਾ। ਇਸ ਨਾਲ ਦੱਖਣੀ ਅਫ਼ਰੀਕਾ ਨੇ ਵਰਸਾਤੀ ਕੋਲੰਬੋ ਦੀ ਰਾਤ ਵਿੱਚ DLS ਰਾਹੀਂ 150 ਦੋੜਾਂ ਦੀ ਸ਼ਾਨਦਾਰ ਜਿੱਤ ਦਰਜ ਕੀਤੀ।
ਇਹ ਦੱਖਣੀ ਅਫ਼ਰੀਕਾ ਦੀ ਲਗਾਤਾਰ ਪੰਜਵੀਂ ਜਿੱਤ ਸੀ, ਜਿਸ ਨਾਲ ਉਹ ਟੀਮਾ ਦੀ ਸੂਚੀ ਵਿੱਚ ਅੱਵਲ ਨੰਬਰ ਤੇ ਪਹੁੰਚ ਗਈ। ਉਨ੍ਹਾਂ ਦਾ ਅਗਲਾ ਅਤੇ ਆਖਰੀ ਗਰੁੱਪ ਮੈਚ ਆਸਟ੍ਰੇਲੀਆ ਦੇ ਖਿਲਾਫ ਇੰਦੌਰ ਵਿੱਚ ਹੋਵੇਗਾ। ਜਦੋਂ ਕਿ ਸੈਮੀਫਾਈਨਲ ਮੁਕਾਬਲੇ ਗਰੁੱਪ ਸਟੇਜ ਦੀ ਪੋਜ਼ੀਸ਼ਨ ’ਤੇ ਨਿਰਭਰ ਹਨ, ਦੱਖਣੀ ਅਫ਼ਰੀਕਾ ਪਹਿਲਾਂ ਹੀ ਆਪਣੀ ਜਗ੍ਹਾ ਪੱਕੀ ਕਰ ਚੁੱਕੇ ਸਨ। ਪਰ ਜੇਕਰ ਮੈਚ ਰੱਦ ਹੋ ਜਾਂਦਾ, ਤਾਂ ਅੰਕ ਵੰਡਣ ਨਾਲ ਉਹ ਨੈਟ ਰਨ ਰੇਟ ਦੇ ਆਧਾਰ ’ਤੇ ਆਸਟ੍ਰੇਲੀਆ ਅਤੇ ਇੰਗਲੈਂਡ ਤੋਂ ਪਿੱਛੇ ਤੀਸਰੇ ਸਥਾਨ ’ਤੇ ਚਲੇ ਜਾਵੇਗੀ।