ਪ੍ਰਦੀਪ ਚਿੱਜੜ

ਆਕਲੈਂਡ:- 05 ਫਰਵਰੀ 2026

  ਕੁੱਝ  ਵੱਡੀਆ ਬੀਮਾ ਕੰਪਨੀ ਨੇ ਦੱਖਣੀ ਟਾਪੂ   ਦੇ ਇਲਾਕੇ Blenheim   ਵਿੱਚ ਨਵੀਆਂ ਘਰ ਬੀਮਾ ਨੀਤੀਆਂ ਜਾਰੀ ਕਰਨ ਤੋਂ ਇਨਕਾਰ ਕੀਤਾ।Blenheim ਦੇ ਰਹਿਣ ਵਾਲਿਆਂ ਦਾ ਕਹਿਣਾ ਹੈ ਕਿ ਏ.ਏ. ਇੰਸ਼ੋਰੈਂਸ ਨੇ ਉਨ੍ਹਾਂ ਦੇ ਸ਼ਹਿਰ ਵਿੱਚ ਨਵੀਆਂ ਘਰ ਬੀਮਾ ਨੀਤੀਆਂ ਦੀ ਪੇਸ਼ਕਸ਼ ਕਰਨੀ ਬੰਦ ਕਰ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਵੀ ਕੰਪਨੀ ਨੇ ਵੈਸਟਪੋਰਟ ਅਤੇ ਵੱਡੇ ਕ੍ਰਾਈਸਟਚਰਚ ਦੇ ਕੁਝ ਹਿੱਸਿਆਂ ਵਿੱਚ ਐਸਾ ਹੀ ਫੈਸਲਾ ਕੀਤਾ ਸੀ।
ਬੀਮਾ ਕੰਪਨੀ ਨੇ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕੀਤੀ ਕਿ ਬਲੇਨਹੀਮ ਅਤੇ ਇਸ ਨਾਲ ਲੱਗਦੇ ਰੈਨਵਿਕ ਅਤੇ ਸੈਡਨ ਖੇਤਰ ਇਸ ਅਸਥਾਈ ਰੋਕ ਦਾ ਹਿੱਸਾ ਹਨ।
RNZ ਵੱਲੋਂ ਤਿੰਨ ਖੇਤਰਾਂ ਵਿੱਚ ਦਰਜਨ ਪਤੇ ‘ਤੇ ਬੀਮੇ ਲਈ ਕੋਟ ਲੈਣ ਦੀ ਕੋਸ਼ਿਸ਼ ਕੀਤੀ ਗਈ, ਪਰ ਏ.ਏ. ਇੰਸ਼ੋਰੈਂਸ ਦੇ ਔਨਲਾਈਨ ਪੋਰਟਲ ਨੇ ਸਾਰੇ ਪਤੇ ਰੱਦ ਕਰ ਦਿੱਤੇ। ਸਕਰੀਨ ‘ਤੇ ਇੱਕ ਸੁਨੇਹਾ ਆਇਆ ਜਿਸ ਵਿੱਚ ਲਿਖਿਆ ਸੀ ਕਿ ਕੰਪਨੀ “ਉਸ ਇਲਾਕੇ ਜਾਂ ਸ਼ਹਿਰ ਕਾਰਨ ਜਿੱਥੇ ਤੁਹਾਡਾ ਘਰ ਸਥਿਤ ਹੈ”, ਬੀਮਾ ਪੇਸ਼ਕਸ਼ ਨਹੀਂ ਕਰ ਸਕਦੀ ਕਿਉਂਕਿ ਉੱਥੇ  ਭਾਰੀ ਹੜ੍ਹਾ ਦੇ ਖ਼ਤਰਾ ਹੈ।
ਕੰਪਨੀ ਨੇ ਉੱਤਰੀ ਕੈਂਟਰਬਰੀ ਦੇ ਵੂਡਐਂਡ, ਰੋਲਸਟਨ ਅਤੇ ਲਿੰਕਨ ਵਿੱਚ ਵੀ ਨਵੀਆਂ ਨੀਤੀਆਂ ਜਾਰੀ ਕਰਨੀ ਬੰਦ ਕਰ ਦਿੱਤੀ ਹੈ। ਉੱਥੇ, ਏ.ਏ. ਇੰਸ਼ੋਰੈਂਸ ਦਾ ਕਹਿਣਾ ਸੀ ਕਿ ਉਹ ਸਿਸਮਿਕ (ਭੂਚਾਲ) ਖਤਰੇ ਲਈ ਆਪਣੀ ਵੱਧ ਤੋਂ ਵੱਧ ਹੱਦ ‘ਤੇ ਪਹੁੰਚ ਗਏ ਹਨ।
ਕੰਪਨੀ ਨੇ ਇਹ ਨਹੀਂ ਦੱਸਿਆ ਕਿ ਬਲੇਨਹੀਮ ਵਿੱਚ ਨਵੀਆਂ ਨੀਤੀਆਂ ਰੱਦ ਕਰਨ ਦਾ ਕਾਰਨ ਵੀ ਇਹੀ ਹੈ ਜਾਂ ਵੈਸਟਪੋਰਟ ਵਾਂਗ ਬਾਢ਼ ਦਾ ਖਤਰਾ ਹੈ।
ਬਲੇਨਹੀਮ ਦੇ ਕੁਝ ਹਿੱਸੇ ਪਿਛਲੇ ਜੂਨ ਵਿੱਚ ਰਿਕਾਰਡ 1942 ਤੋਂ ਬਾਅਦ ਸਭ ਤੋਂ ਵੱਧ ਵਰਖਾ ਤੋਂ ਬਾਅਦ ਡੁੱਬ ਗਏ ਸਨ, ਅਤੇ ਰੈਨਵਿਕ ਦੇ ਕੁਝ ਵਸਨੀਕਾਂ ਨੂੰ ਖਾਲੀ ਕਰਵਾਇਆ ਗਿਆ ਸੀ।
ਏ.ਏ. ਇੰਸ਼ੋਰੈਂਸ ਦੀ ਹੈੱਡ ਆਫ਼ ਅੰਡਰਰਾਈਟਿੰਗ ਡੀ ਨਾਇਡੂ ਨੇ ਕਿਹਾ ਕਿ ਖ਼ਤਰੇ ਦੇ ਪਰਬੰਧ ਨੂੰ ਸੰਭਾਲਣਾ ਬੀਮਾ ਉਦਯੋਗ ਵਿੱਚ ਆਮ ਪ੍ਰਥਾ ਹੈ ਅਤੇ ਅਸਥਾਈ ਰੋਕ ਵਾਲੇ ਖੇਤਰਾਂ ਦੀ ਸੂਚੀ ਸਥਿਰ ਨਹੀਂ ਹੈ।
ਉਸਨੇ ਕਿਹਾ, “ਅਸੀਂ ਹਮੇਸ਼ਾ ਇਹ ਨਿਗਰਾਨੀ ਕਰਦੇ ਰਹਿੰਦੇ ਹਾਂ ਕਿ ਸਾਡਾ ਵਾਧਾ ਕਿੱਥੇ ਹੋ ਰਿਹਾ ਹੈ ਅਤੇ ਉਸ ਨਾਲ ਜੁੜੇ ਖ਼ਤਰੇ ਕਿਹੜੇ ਹਨ। ਅਸੀਂ ਪਹਿਲਾਂ ਜ਼ਿਕਰ ਕੀਤੀਆਂ ਰੋਕਾਂ ਤੋਂ ਇਲਾਵਾ ਹੋਰ ਕੋਈ ਨਵੀਆਂ ਰੋਕਾਂ ਲਗਾਉਣ ਦਾ ਯੋਜਨਾ ਨਹੀਂ ਰੱਖਦੇ।”
ਇਹ ਰੋਕ ਮੌਜੂਦਾ ਗਾਹਕਾਂ ‘ਤੇ ਅਸਰ ਨਹੀਂ ਕਰਦੀ।