ਪ੍ਰਦੀਪ ਚਿੱਜੜ
ਆਕਲੈਂਡ:- 12 ਅਗਸਤ 2026

ਵੈਲਿੰਗਟਨ: ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਕ੍ਰਿਸਟੋਫਰ ਲਕਸਨ ਦੀ ਅਗਵਾਈ ਅੱਜ ਵੱਡੀ ਕਸੌਟੀ ’ਤੇ ਹੈ। ਨੈਸ਼ਨਲ ਪਾਰਟੀ ਦੇ ਸੰਸਦ ਮੈਂਬਰ ਵੈਲਿੰਗਟਨ ਵਿੱਚ ਸਵੇਰੇ 9:30 ਵਜੇ ਹੋਣ ਵਾਲੀ ਅਹਿਮ ਕਾਕਸ ਮੀਟਿੰਗ ਵਿੱਚ ਇਕੱਠੇ ਹੋ ਰਹੇ ਹਨ। ਮੀਟਿੰਗ ਦਾ ਮਕਸਦ ਲਕਸਨ ਦੀ ਲੀਡਰਸ਼ਿਪ ਨੂੰ ਲੈ ਕੇ ਪਾਰਟੀ ਅੰਦਰ ਚੱਲ ਰਹੀਆਂ ਚਰਚਾਵਾਂ ਅਤੇ ਵਧ ਰਹੇ ਦਬਾਅ ਨੂੰ ਸੁਲਝਾਉਣਾ ਹੈ।
ਪਿਛਲੇ ਕੁਝ ਸਮੇਂ ਤੋਂ ਨੈਸ਼ਨਲ ਪਾਰਟੀ ਦੇ ਅੰਦਰ ਲਕਸਨ ਦੀ ਅਗਵਾਈ ਨੂੰ ਲੈ ਕੇ ਅਸੰਤੁਸ਼ਟੀ ਦੀਆਂ ਰਿਪੋਰਟਾਂ ਸਾਹਮਣੇ ਆ ਰਹੀਆਂ ਹਨ। ਘੱਟ ਪੋਲਿੰਗ ਅਤੇ ਕੁਝ ਸਿਆਸੀ ਵਿਵਾਦਾਂ ਕਾਰਨ ਉਨ੍ਹਾਂ ’ਤੇ ਦਬਾਅ ਵਧਿਆ ਹੈ। ਇਹ ਚਾਰ ਮਹੀਨਿਆਂ ਵਿੱਚ ਦੂਜੀ ਵਾਰ ਹੈ ਜਦੋਂ ਲਕਸਨ ਨੂੰ ਆਪਣੀ ਲੀਡਰਸ਼ਿਪ ਬਾਰੇ ਗੰਭੀਰ ਚੁਣੌਤੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਜੇਕਰ ਕਾਕਸ ਵਿੱਚ ਲੀਡਰਸ਼ਿਪ ਵੋਟ ਹੁੰਦੀ ਹੈ ਤਾਂ ਸੀਨੀਅਰ ਮੰਤਰੀ ਏਰਿਕਾ ਸਟੈਨਫੋਰਡ ਅਤੇ ਮਾਰਕ ਮਿਚੇਲ ਦੇ ਨਾਂ ਸੰਭਾਵਿਤ ਬਦਲ ਵਜੋਂ ਚਰਚਾ ਵਿੱਚ ਹਨ।
ਅੱਜ ਦੀ ਮੀਟਿੰਗ ਨੂੰ ਲਕਸਨ ਦੀ ਸਿਆਸੀ ਭਵਿੱਖ ਅਤੇ ਨੈਸ਼ਨਲ ਪਾਰਟੀ ਦੀ ਅਗਵਾਈ ਲਈ ਬੇਹੱਦ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ।