ਪ੍ਰਦੀਪ ਚਿੱਜੜ

ਆਕਲੈਂਡ:- 12  ਫਰਵਰੀ 2026
ਟੀ20 ਵਰਲਡ ਕੱਪ ਦੇ ਚਰਚੇ ਹਰੇਕ ਪਾਸੇ ਹੋ ਰਿਹੇ । ਪਰ ਜੋ ਮੈਚ  ਦੱਖਣੀ ਅਫਰੀਕਾ ਅਤੇ ਅਫ਼ਗਾਨਿਸਤਾਨ ਵਿੱਚ  12/02/2026 ਨੂੰ ਹੋਇਆ , ਇਕ ਵੱਖਰੀ ਛਾਪ ਛੱਡ ਗਿਆ।
ਦੱਖਣੀ ਅਫਰੀਕਾ ਨੂੰ  ਡਰਾਮੇਟਿਕ “ਡਬਲ ਸੁਪਰ ਓਵਰ” ਮੁਕਾਬਲੇ ਵਿੱਚ ਅਫਗਾਨਿਸਤਾਨ ਨੂੰ ਹਰਾਕੇ ਜਿੱਤ ਹਾਸਲ ਹੋਈ।
ਪਹਿਲੇ ਸੁਪਰ ਓਵਰ ਵਿੱਚ ਅਫਗਾਨਿਸਤਾਨ ਨੇ 17 ਰਨ ਬਣਾਏ, ਅਤੇ ਫਾਰੂਕੀ ਇੱਕ ਵਾਰ ਫਿਰ ਆਪਣੇ ਗੇਂਦਬਾਜ਼ੀ ਨਾਲ ਮੈਚ ਜਿਤਾਉਣ ਦੀ ਸਥਿਤੀ ਵਿੱਚ ਸੀ। ਉਸ ਨੇ ਦੱਖਣੀ ਅਫਰੀਕਾ ਨੂੰ ਆਖ਼ਰੀ ਗੇਂਦ ’ਤੇ ਸਿਰਫ਼ 11 ਰਨਾਂ ਤੱਕ ਰੋਕਿਆ, ਪਰ ਟ੍ਰਿਸਟਨ ਸਟਬਸ ਨੇ ਛੱਕਾ ਜੜ ਕੇ ਸਕੋਰ ਬਰਾਬਰ ਕਰ ਦਿੱਤਾ।
ਦੂਜੇ ਟਾਈਬ੍ਰੇਕਰ ਵਿੱਚ ਦੱਖਣੀ ਅਫਰੀਕਾ ਨੇ ਪਹਿਲਾਂ ਬੱਲੇਬਾਜ਼ੀ ਕੀਤੀ ਅਤੇ ਡੇਵਿਡ ਮਿਲਰ ਤੇ ਸਟਬਸ ਨੇ ਮਿਲ ਕੇ ਅਜ਼ਮਤੁੱਲਾ ਉਮਰਜ਼ਈ ਦੇ ਓਵਰ ਵਿੱਚ ਤਿੰਨ ਛੱਕੇ ਮਾਰ ਕੇ 23 ਰਨ ਜੋੜੇ।
ਕੇਸ਼ਵ ਮਹਾਰਾਜ ਨੇ ਦੂਜੇ ਸੁਪਰ ਓਵਰ ਦੀ ਸ਼ੁਰੂਆਤ ਇੱਕ ਵਿਕਟ ਅਤੇ ਦੋ ਡਾਟ ਗੇਂਦਾਂ ਨਾਲ ਕੀਤੀ, ਜਿਸ ਨਾਲ ਅਫਗਾਨਿਸਤਾਨ ਨੂੰ ਬਾਕੀ ਚਾਰ ਗੇਂਦਾਂ ’ਤੇ 24 ਰਨ ਦੀ ਲੋੜ ਸੀ — ਜੋ ਆਮ ਤੌਰ ’ਤੇ ਚਾਰ ਛੱਕਿਆਂ ਨਾਲ ਹੀ ਸੰਭਵ ਹੁੰਦਾ ਹੈ।
ਅਤੇ ਫਿਰ ਮੈਦਾਨ ਵਿੱਚ ਆਏ ਰਹਮਨੁੱਲਾਹ ਗੁਰਬਾਜ਼। ਜਿਸ ਨੇ ਇਸ ਤੋਂ ਪਹਿਲਾਂ 42 ਗੇਂਦਾਂ ’ਤੇ 84 ਰਨ ਦੀ ਧਮਾਕੇਦਾਰ ਪਾਰੀ ਖੇਡੀ ਸੀ — ਨੇ ਤਿੰਨ ਲਗਾਤਾਰ ਛੱਕੇ ਮਾਰ ਕੇ ਸਕੋਰ ਨੂੰ ਸਿਰਫ਼ ਇੱਕ ਗੇਂਦ ’ਤੇ 6 ਰਨਾਂ ਦੀ ਲੋੜ ’ਤੇ ਲਿਆ ਦਿੱਤਾ। ਪਰ ਜਿੱਤ  ਦੱਖਣੀ ਅਫਰੀਕਾ ਪਏ ਗਈ।