ਪ੍ਰਦੀਪ ਚਿੱਜੜ

ਆਕਲੈਂਡ:- 07 ਅਪ੍ਰੈਲ 2026

ਆਕਲੈਂਡ ਦੇ ਕਈ ਇਲਾਕਿਆਂ ਵਿੱਚ ਪਾਣੀ ਦੇ ਨਮੂਨਿਆਂ ਦੀ ਰੁਟੀਨ ਜਾਂਚ ਦੌਰਾਨ E. coli ਦੇ ਨਿਸ਼ਾਨ ਮਿਲਣ ਤੋਂ ਬਾਅਦ ਪਾਣੀ ਉਬਾਲ ਕੇ ਵਰਤਣ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ। ਇਹ ਚੇਤਾਵਨੀ Hillsborough, Mt Roskill, Royal Oak ਅਤੇ Three Kings ਦੇ ਕੁਝ ਹਿੱਸਿਆਂ ਲਈ ਲਾਗੂ ਹੈ।
Watercare ਦੇ ਮੁਤਾਬਕ ਲਗਭਗ 7500 ਘਰ ਇਸ ਚੇਤਾਵਨੀ ਦੇ ਅਧੀਨ ਹਨ। ਨਿਵਾਸੀਆਂ ਨੂੰ ਪੀਣ ਲਈ, ਦੰਦ ਸਾਫ ਕਰਨ ਲਈ, ਬਰਫ ਬਣਾਉਣ ਲਈ, ਬਰਤਨ ਧੋਣ ਲਈ ਅਤੇ ਖਾਣਾ ਤਿਆਰ ਕਰਨ ਲਈ ਉਬਾਲਿਆ ਹੋਇਆ  ਪਾਣੀ ਜਾਂ ਬੋਤਲਬੰਦ ਪਾਣੀ ਵਰਤਣਾ ਚਾਹੀਦਾ ਹੈ।
ਅੱਜ ਦੁਪਹਿਰ ਨੂੰ ਇਸ ਬਾਰੇ ਅਪਡੇਟ ਆਉਣ ਦੀ ਉਮੀਦ ਹੈ।
ਇੱਕ ਬਿਆਨ ਵਿੱਚ Watercare ਨੇ ਕਿਹਾ ਕਿ ਇਹ ਸਾਵਧਾਨੀ ਦੇ ਤੌਰ ‘ਤੇ ਪਾਣੀ ਉਬਾਲਣ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
“ਇਸਦਾ ਮਤਲਬ ਹੈ ਕਿ ਪ੍ਰਭਾਵਿਤ ਇਲਾਕਿਆਂ ਦੇ ਲੋਕਾਂ ਨੂੰ ਅਗਲੇ ਹੁਕਮ ਤੱਕ ਪੀਣ ਵਾਲਾ ਪਾਣੀ ਉਬਾਲ ਕੇ ਵਰਤਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।”
Watercare ਨੇ ਇਹ ਵੀ ਕਿਹਾ ਕਿ ਇਨ੍ਹਾਂ ਇਲਾਕਿਆਂ ਦੀਆਂ ਸਾਰੀਆਂ ਗਲੀਆਂ ਪ੍ਰਭਾਵਿਤ ਨਹੀਂ ਹਨ ਅਤੇ ਪੂਰੇ ਨਕਸ਼ੇ Watercare ਦੀ ਵੈੱਬਸਾਈਟ ‘ਤੇ ਉਪਲਬਧ ਹਨ। “ਕਿਰਪਾ ਕਰਕੇ ਆਪਣੇ ਪੜੋਸੀਆਂ ਅਤੇ ਉਹਨਾਂ ਲੋਕਾਂ ਤੱਕ ਇਹ ਜਾਣਕਾਰੀ ਪਹੁੰਚਾਉਣ ਵਿੱਚ ਮਦਦ ਕਰੋ ਜੋ ਪ੍ਰਭਾਵਿਤ ਹੋ ਸਕਦੇ ਹਨ।”